尋日lunch time同同事傾計，有一個同事問起大家："你地點樣記電話號碼架？"

答案有好多個，多到我都唔記得佢地講左幾多種。

佢地好俾心機咁去研究點先可以記電話號碼記得最好，我就好俾心機咁去聽下佢地用既方法方法反映左D乜野。


***1***
你可能會唔記得自己個電話號碼。當人地問你既電話號碼果陣，你就會唔小心咁答左你腦裡面最熟悉既一組數字。我覺得，如果我係果堆神秘數字既主人，電話響起，但搵既唔係我，而係我身邊最close既人，我會覺得好warm/sweet，因為我已經不知不覺咁容入左果個大頭蝦既生活裡面。


***2***
你可能會用左人地個生日日期去幫你記住某組數字。你會覺得你用緊個生日日期去幫你記住組數字，但係過多十年之後，可能係組數字幫你記起果個人既生日。


***3***
有人會發明一D奇怪既formula去記一D好簡單既野。我覺得好奇怪，乜去記一堆奇怪既formula容易過就咁記住果D好簡單既野咩? (一話係，每一個人都對"簡單"有唔同既見解？)


原來，生活裡面好多好簡單既野都可以變得好複雜。好複雜既野，其實本身可能係好簡單。