深度

近來覺得身邊既人好有深度。


深度對我黎講並唔係話要談及到一D我從來都唔明既野(...天文地理，國家大事...世界大戰-_-!)，我覺得深度係視符一個人既觀察力+情感上既敏銳度可以配合到去邊一個程度。

有一類人，可以被一場微微細雨，或一首慢歌，觸發到佢心裡面既空虛。亦可以為一朵快要凋謝，但仍需擔當餐桌上唯一一個擺設既重任，感到疲憊不堪。

有另一類人，可以從一個毫不吸引，淡而無味既對話當中，將自己化身成一個解碼器。為對方堆砌出黎既表面說話解碼，從而去了解對方心裡面真正既感受。

我覺得呢兩類人好辛苦，但亦都好幸福。

辛苦既係，佢地會比平常人經歷到更多生活上既煩惱。
幸福既係，佢地可以比平常人品嚐到更多生活上既味道。


所以，當我發現身邊既你係屬於以上兩類人既時候，我會替你擔心。
但同時，亦為認識你而感到開心。