title? 諗唔到呀!

咩都要做到完美實在太難

如果叫我做一個平平淡淡 只需要做到"安份守己"既話 我情願"安樂死"

如果每一件事都"ching"過度過先做 ...都係果句 情願安樂死!


返左一排工 覺得時間真係過得太快 好似好快就會變老 好快就會有心無力...>_<~ 今日唔知聽日事 我開始覺得 一定要及時行樂 對我黎講 但求唔煩到其他人 唔會成為人地既負累 照顧到自己 已經足夠

我記得我媽咪上年生日果陣 我太忙 太唔開心 結果錯過左佢既生日 無打電話去祝賀佢 事後我再同佢道歉 (因為真係好不孝...) 點知 一向都好注重門面野既佢 居然答我 ... "唔緊要，對我黎講，知到你生活得開開心心就係我最好既生日禮物"

今個晚上 本來心情唔係太好既我 突然諗返起媽咪俾我既呢個答案 令我覺得 為左D小事而唔開心 真係好無聊! 我決定放低晒所有野 唔諗喇! 阻住我去開心既野...全部死開!!!! 哇哈哈哈哈