配角

有無試過，曾經有一d野你想講，但係發現人地已經搶先一步講左。基於你唔想好似"copy cat", "附和某人"，或者"馬後炮"咁，所以就end up由得你心裡面既說話"石沈大海"呢？

我本人講野既反應比較快(我知我係好煩... 不過你地慣晒架啦~~呵呵)，所以會少d機會發生o係我身上，但都未至於話無發生過。


umm...好似好抽象咁...等我離題少少先...



或者我用另一個方式去問你，"究竟你鍾意做主角定係配角呢?"

- 主角: 我諗如果齋講一班人一齊"heh"既話，咁焦點最集中o係邊個度，咁邊個就係主角
- 配角: 間中有人會留意一下，之後焦點又會游返去個主角度

決唔決定到想做咩角色？

我諗你個答案都好depends on你既"心境年齡"。

早多幾年，我就一定會揀做註角。點解? 更係主角好啦~!個個都關心我，錫我，咩都放我o係第一位先喎...有咩唔好呀？

不過可能人大左，睇法有少少唔同左。依家覺得受到太多注目，太多關心，好似唔係咁好。
原因：
1) 好大壓力
2) 欠人太多人情
3) 一舉一動都會影響到其他人


我依家學緊點樣去"唔講咁多野"。哈哈，而我既實習場地就係公司!!

做一個小角色真係好好玩。無乜人會理你咁多野(...可以閒番好多口水)。你覺得好好笑果d野，你又可以留o係心裡面笑餐飽，唔洗同人解釋。你既一舉一動又唔會有太大影響力(可以亂黎..wakkaka)。

最重要既係，我睇戲(特別係舞台劇)果陣，永遠都係最鍾意d配角。佢地既所作所為，基本上係唔會影響到成套劇個故事。不過無左佢地，我諗無人會對一個咁普通既故事有興趣...(通常d故事都係"你愛我...我愛你..." 咁上下野架啦...有咩好睇...)


好啦...依家再問多一次...

你想做邊一個角色呢?