Internet

近來發現internet真係幫到我好多。

我面對面既時候，總係唔想同人傾偈(唔想認真咁同人傾偈)。如果可以既話，我想一句野都唔講。但係透過msn，我又覺得ok喎。我可以好似細個果陣咁健談，同人傾到停唔到口(...or停唔到手)。餐餐都係十點就話去訓，但係走極都走唔到，傾唔停，最尾都係十二點先off到line。

我又成日都好想了解下身邊既人，但係無理由無啦啦咁走去問下佢"喂~你有無心事想同我傾呀？”。好多人既外表睇落好似好...無咩特別，無咩吸引之處，但係其實佢地好有內在美，只係你察覺唔到。近來先發現睇人地既ｂｌｏｇ原來可以好容易咁去了解對方，發現到好多你從來都無察覺到既野，好似突然同對方近左好多咁。當我了解左對方既諗法之後，我又覺得我之前對佢既諗發係一種誤解...可能係因為咁，所以我都開始寫ｂｌｏｇ。

Internet真係幫到我好多。佢已經係我既主要溝通渠道。無左佢，我諗我會變成一個隱蔽青年(if you have problem with calling me "青年"...then change it urself..LOL)。

不過，究竟internet係幫緊我定係害緊我呢? 我記得細個果陣我講野好流利，表情好豐富，從來都唔覺得同人溝通係一件難事。但係依家，同人面對面講多幾句認真既說話都會覺得好難為情咁。怕人地覺得我懶感性，怕自己講得唔好，怕對方憑我既面部表情就可以睇穿我個心。

今日岩岩同個朋友講起 "依家真係唔識講大話"。初初覺得無乜野，但係諗下諗下有d唔對路，因為我明明記得，細個果陣d大人成日話俾我聽，只有細個果陣先係最純最真 ，大個左就會愈黎愈複雜，咁點解會變左大個之後反而唔識講大話呢？

我記得細個果陣我個花名叫做"奸妃"，因為我好蠱惑。雖然d大人明知我蠱惑，做既野都係扮乖，只係門面功夫，但係就tum得佢地好開心。所以我細個果陣覺得"蠱惑"係我既特殊技能，講大話對我黎講簡直係一門藝術，我可以稱得上係"大師級"人馬。

但後來唔知點解，大大下忘記左點樣去"蠱惑"，可能係因為離開左個溫室大家庭，已經再無人值得我去tum。可能因為疏於練習，導致我失去左呢種技能。

本來淨係失去左呢種技能都無咩所謂，反正大個左之後已經知到"蠱惑"唔係一樣值得人地欣賞既野 -_-。但係整整下，開始對自己既溝通能力無信心。可能係因為每種語言都係半桶水，怕自己詞不達意，演繹唔到本來既神緒，表達唔到腦裡面既信息。

我慶幸呢個世界有人發明左Internet。用Internet去同人溝通我比較有信心一d...

但係如果無左Internet...又會點呢？

我會唔會講野叻番d呢？

我會唔會仲同朋友傾咁多偈呢？

我仲會唔會要靠blog黎同你地傾心事呢？？？