慳左咁耐，突然間想豪一下。

已經變成'anit-social'既我，突然同個唔係好熟既同事傾起MSN，佢同我講，佢會盡量去多D旅行，佢話我地係contractors，應該隨時想放假就放假。佢講得最順口果句就係"just no pay!"，真係講得好輕鬆。後來我先知到，佢係果D好鬼有型，去back-packing都唔止啦，仲要係爬晒D響puzzle同月曆先會見到果D山...咁誇張。再傾多一陣，佢話佢要走喇，因為要同個朋友去買爬山工具。我叫佢小心渣車，佢話佢已經賣左架車，改答車。

我同佢傾左半個鐘頭偈，初初就覺得點解我要咁慳，唔好似佢咁，想做咩就做咩。賺多少少錢係咪真係何以快樂好多呢？又好似唔係。但係再傾落去，就發覺，最重要既係，"賺少左錢就唔係好店"。要供車，要供樓，要俾水電，要燈油火蠟。食都可以食少D，但係其他既，就賺少D錢都唔係好店。係咪真係要高薪厚職先可以撐得起頭家?一定唔係，因為個地球上面有好多人都搵錢搵得少過我，佢地咪又係咁生活(佢地仲要養妻活兒添...)。我比起佢地，生活輕鬆得多，起碼我既父母都好叻，唔駛我照顧佢地(...emm...其實係佢地仲照顧緊我 -_-!)

其實我從來都無試果一D...好好好好好慘既生活，但係唔知點解，始終都係唔信人。總係覺得，所有野都係要掌握響自己手中會放心D。就算係幾親既人，總會有一D"人生交叉點"既時候。你要佢地揀你，佢地又難做，佢地唔揀你，你又會傷心(有時仲會傷身)。咁不如我早D識做，一早就為自己打算好一切，無為要我最親最錫既人要玩埋晒D乜"交叉"老土野啦，係咪？

死...真係老喇...次次打BLOG都打下打下離晒題。oh yes! 講緊要豪下。尋日岩岩話想去D短程cruise玩下，跟住就諗到，好想買部落得水既相機，點知今晚就已經上網買左喇!! 嘩...真係好耐都未試過咁豪，不過都唔係覺得好赤，因為都真係幾值既，哈哈! 三百幾蚊就可以買到部上山下海既相機，點玩都抵啦! 呵呵呵呵~~

Olympus 1030 SW (http://www.olympusamerica.com/cpg_section/product.asp?product=1363)