鬼

通常最驚既鬼片都係無乜鬼出現過，因為通常都係自己幻想出黎既野最恐怖，所以劇情裡面始終都要留一點空間俾觀眾去enjoy自己既潛意識所編寫既高潮。

近來失眠開始變得嚴重，腦裡面有太多個未知，太多預測唔到既事。結果一日未出，個腦又開始發功。用黎睇鬼片既細胞愈來愈活躍，每晚無燈無光無人既時候，就好似鬼片果種"無形鬼"effect。但係今次個主角係我，所以只有窒息既感覺，完全enjoy唔到個過程。

人大左，開始怕見到鬼。不過唔知係因為承受唔到果種刺激，一話係怕隻鬼會令我失望。